تتزوجيني يا من لست أعرفكــِِ ؟..؟

تتزوجيني ؟ ..
كلمة ضليتني كتير بدي أحكيها ومش عارف ..
وكل لما آجي أحكيها ما تطاوعني الشفايف .. بس رح أحكيها ..

تتزوجيني ؟ ..
وتكمليلي نص ديني ؟ .. ونكون سوا ..
وتكوني حبيبتي .. وأكون حبيبك .. وتعوضيلي ليالي الشقا ..
ويا ريت ما تفكريش .. لأنو أنا لغيرك مش رح أعيش ..
ورح أعطيكي عينيّ شبكة ..
ورح أعطيكي عمري مهر ..
وأعملك زفة حبيبتي .. تكون أكتر من شهر ..
ونعمل أحلى ليلة .. عريس وعروسة جميلة ..
ونجمع كل العيلة .. ورح تكون ليلة العمر ..

تتزوجيني ؟ ..
لأنو بزواجنا رح نجيب أطفال عشقنا ..
ولأنو رح أعلمهم كيف يحبوا ويعشقوا .. وحتى لو متنا أنا وأنتي ..
رح يكون الشيء الوحيد اللي قدرنا نعطيهم إياه هو الحب ..

تتزوجيني ؟ ..
لأنو مش رح ألاقي سعادتي إلا معك ..
ولأنو مش رح تلاقي سعداتك إلا معي ..

تتزوجيني ؟ ..
لأنو رح تكوني بالنسبة إلي بأكتر من صفة .. أبوي وأمي وأخوي وكل عيلتي ..

تتزوجيني ؟ ..
لأنك رح تكوني بأكتر منطقة آمنة بالكون وهي بين أحضاني ..

تتزوجيني ؟ ..
لأنو ما رح أجيب ولادي إلا منك إنتي وبس ..

تتزوجيني ؟ ..
لأنك إنتي نصي التاني .. نصي الحلو ..

تتزوجيني ؟ ..
لأنك إنتي حبيبة عبدالله مجهولة الهوية ...

____________________ تتزوجيني يا من لست أعرفكــِِ ؟..؟ ..........