مسلسل عمرو وياسمين_( كل يوم حلقة )

· انا عندى قصة جميلة جداااااا
بس مش ها يفهمها ولا يحسها غير الرومانسى
لانها رومانسية جدااااااا
ويا ريت تنال اعجابكم
القصة اكتر من جزء وها اكتب بقية الاجزاء بناء على ردودكم على الجزء الاول ,,
((على فكرة انا اول ما قرأت القصة لم تعجبني ولكن من الحلقة الثالثة والى الاخر لم استطع ان اتركها حتى انهيتها وارجو ممن يقرأها ان يكمل للحلقة الرابعة وبعدها له القرار ان يكمل او لا وانا اتحداه انه سيكمل بكل شغف وتحياتي للجميع))
يلا بينا نبداااأ
الجزء الاول

أبطال القصة :-
1- عمرو
2- ياسمين
وفيه اشخاص فرعية ذى
1- حودة (صاحب عمرو)
2- الخطيب (صاحب عمرو)
3- مروة (صاحبة ياسمين الانتيم )
مش ها اطول عليكم اكتر من كدة
هااااااااااا ندخل فى القصة على طول
القصة ديه بتبدأ لما عمرو وحودة كانوا بيتمشواااا وحودة بيحكى لعمرو على واحدة شفها امبارح ,

حودة : - ده انا شوفت بنت يا نهار ابيض جامدة اوى اوى

عمرو :- ههههههههههههههههه
يا بنى انت مش ها تبطل بقى قلة ادبك ديه انت عمرك ما تبص على الجمال وتفكك من الحاجات اللى انت بتقولها ديه !!!
حودة :- ايون خليك انت كدة عايش فى الوهم يا بنى خليك عملى
عمرو :- انت حر يا عم بس لما واحدة تهزقك ولا تمرمط بيك الارض ما تبقاش تعيط وانا مش ها احوش
حودة :- يا بنى تمرمط مين ده انا حودة الجامد اوى ..,,..
((وف نفس اللحظة ))
حودة :- انت تنحت كدة ليه ؟؟
عمرو:- يا نهار ابيض على الجمال مين البنت ديه يا حودة ((بم ان حودة خبرة فى الحاجات ديه ))
حودة :- ما هى ديه يا عم البنت اللى انا بحكيلك عليها ايه رايك جامدة صح ؟؟
عمرو:- جامدة مين يا عم ديه صاروخ انت شايف عنيها عاملة ازاى
حودة :- عنيها تانى وانا اللى قلت انك فوقت من الوهم اللى انت فيه شايف ال ......................... ((شوفوا انتم بقى عشان مش ها اقدر اتكلم ))
عمرو :- استنا بس يا حودة ايه يابنى البت ديه
((وفلحظة اختفت من قدام عيون عمرو ))
حس عمرو ان روحى اتسحبت منه وان قلبه بيجرى يسابق الزمن , وما تمناش اد ما تمنى فى حياته انه يعرف اسمها او حتى يعرف اى حاجة عنها
حودة :- ايه ياعم السهتان رحت لفين
عمرو:- ((مافيش رد))
حودة:- انت يابنى
عمرو:- ايييييييه ((كان سرحان صاحبنا))
انت بتقول حاجة يا حودة ؟؟
حودة:- حودة لا ولا حاجة يا حبيبى يلا بينا انت شكلك دخت
عمرو:- البت ديه جميلة اوى يا حودة اوى اوى
انت ما تعرفش ديه مين ؟؟
حودة:- يا ريت كنت اعرف !!!!
ااااااااااااااااااااااااااااااااااه
هههههههههه
ما تيلا بينا بقى يا عمور إحنا اتأخرنا
((وبعد مرور ايام اتعمد عمرو انه يروح نفس المكان ونفس التوقيت اللى شافها فيها اول مرة))
(( وكان على امل انه يشوفها تانى ))
بس المرة ديه قابل الخطيب ((صاحبهم التالت))
الخطيب :- ايه يا بنى ادمين اللى موقفكم هنا
حودة :- شوفلك حل فى عم الرومانسى اللى لاطعنا هنا بقاله نص ساعة
الخطيب :- وعلى ايه كل ده ؟؟
((وصحبتنا كانت طالعة فى اللحظة ديه))
حودة :- الصلاه ع النبى
عمرو :- اتلم بدل ما لمك ديه خلاص بقت تبعى
الخطيب :- فيه ايه يا جدعان ؟؟!!
الحوار على ايه ؟؟!!
حودة :- شوفلك صرفة فى عم الرومانسى ده
ده بيحب على روحه
عمرو:- احترم نفسك
حودة :- شايف الغزال اللى هناك ده الكبير اوى ده
الخطيب :- اممممممممممممم !!!!
انت عارف ديه مين ؟؟
عمرو :- ايه ده انت تعرفها ((بلهفة ))
الخطيب :- ديه اخت باسم صحبنا ال فى الكلية
احمد :- باسم مين ؟؟
الخطيب :- باسم المدخوم
حودة :- يااااااااااا راجل باسم الموميا
قول كلام غير ده
الخطيب :- انت معجب بيها ولا ايه ؟؟
حودة :- معجب ايه ياعم ده ميت ((بتريقة))
عمرو :- انا مش عارف يا خطيب انا والله حصلى ايه من ساعة ما شفتها
حودة:- حصلك نفس اللى حصلى
ااااااااااااااااااااااااااااه
الخطيب :- انت لسة ذى ما انت
حودة :- امال عايزنى ابقى ذى عمك الرومانسى ده
عمرو :- يا جدعان سيبوكم من اللى انتم فيه ده دلوقتى
وقولولى اعمل ايه دلوقتى ؟؟
الخطيب:- تعمل ايه فى ايه انت عبيبط يا بنى !!
عمرو :- انا نفسى اكلمها بس مش عارف ازاى ؟؟
الخطيب :- عيب عليك ده صحبك والبنت ديه مش ذى ما انت فاكر ., ونصيحة منى طلع الموضوع ده من دماغك
عمرو :- اممممم (( وبيهز راسه ))
انت تعرف اسمها يا خطيب ؟؟
الخطيب:- ااااااه
عمرو :- اسمها ايه ؟؟
الخطيب :- اسمها ياسمين
عمرو :- يــــاسمين
الخطيب :- وآنت عارف انت ممكن تجيب رقم تليفون البيت كمان بسهولة
عمرو:- ازاى ؟؟!! (( باستغراب ))
حودة :- يا عم من اخوها يا عم
الخطيب :- اتلهى يا اهبل
ما يروح احسن يقول لاخوها
عمرو :- امال ازاى ؟؟
الخطيب:- ماهى تبقى صحبة سلمى اخت المـــــــــــن
حودة :- الكداااااااااااااااب ((بضحكة))
(( وده صاحبهم الرابع واسمه كدة لانه ماشى بيكدب على روحه
كدااااااااااااااااااااااااااااااااااااب اوىىىىىى ))
الخطيب :- بس اوعك يا عمرو تعمل كدة
ما تنساش يا جدع انه صحبك
حودة :- فكك يا عم ما تسمعش كلامه
وفيها ايه لما يكلمها هو يعنى ها يقلها كلام ............
وبعدين هو اولى من الغريب بس هو يقدر عليه وما يكسفناش
عمرو .... الخطيب .... حودة
هههههههههههههههههه
((وما بقاش عمرو عارف يكلمها ولا لا بعد ما اعرف انها اخت صاحبه )) ؟؟؟؟؟؟؟!!!!!!!!!
يا ترى عمرو هيكلمها ولا لا ؟؟
ويا ترى عمرو ها يسمع كلام الخطيب ولا حودة
وده كان الجزء الاول من القصة
اكمل ولالالالالالالالالالالا
يا ريت اسمع ردودكم وتعليقاتكم على القصة

على فكرة القصة دى
جاااااااااااااامدة اوووووى
تسلم

هيا القصه ممتعه بجد وياريت تكملها انا بدأت اتشد ليها
انا شايفه بجد انا لو عمرو فعلا معجب بيها وهيحبها ويخاف عليها ومش بيتسلي ويعاكس زي اصحابه يبقي يتشجع ويكلمها بطريقه لطيفه ومش معني انها اخت صاحبه انها ممنوعه لا ابدا المهم انه بقي يحترم العلاقه دي يعني تخليه يحترمها اكتر ويحافط عليها اكتر
والمهم انه ميسمعش لكلام اي حد من التانيين لان العلاقه اللي بيدخل فيها اطراف تانيه غير الطرفين الرئيسين بيبقي فشلها سريع

ان شاء الله هنزل الجزء التانى النهارده انتظرووووونى

اسف عالتأخير ياجماعة بس والله كنت مشغول شوية ندخل عالمفيد على طول
واحد اتين تلاتة اكشنننننننن

طبعا صاحبنا فضل طول الليل سهران يفكر فيها وياترى يعمل اية يكلمها ولا لآ لحد ما توصل لفكرة جامدة جداااااا

وفجأه موبايل الخطيب الساعة 1 نص الليل بيرن
الخطيب استغرب جداااااا

ونط من السرير مفجوع ياترى مين اللى بيتصل ده
لقى ((عمرو)) بيتصل

وهنا بيبتدى الجزء التانى ..................


الخطيب :- عاوز ايه يا .... !!!

((عمرو)) :-

انا عاوز اشوفك دلوقتى حالا

((الخطيب باستغراب ))

الخطيب :- انت عبيط دلوقتى اية ((( ده اتهبل ولا اية(((

((عمرو)) :- يا عم اسمع الكلام تعالى نقعد على اى كافتيريا عاوز اكلمك شوية

الخطيب :- اية اكتشفت انك بتحبنى اوى كدا ؟؟ وماتقدرش تستغنى عنى فجأه (( بضحكة ))

((عمرو)) :- انا غلطان انى اتصلت بيك

الخطيب :- يا عم طب قول انت عاوز ايه ؟؟

((عمرو)) :- خلاص بكرة يا عم

وقفل السكة

((وكمل تفكير فى حبيبته اللى ماحدش حاسس بيه غير قلبه ))

تانى يوم

اتقابلوا هما التلاتة

حودة :- انت ليه انت بتتصل بالولة نص الليل!!!!!
ايه للدرجادى كنت محتاجة ؟

الخطيب :- ههههههههه

((عمرو)) :- مش عاوز هزار

الخطيب :- طب قول انت كنت عاوز ايه منى ؟؟؟

((عمرو)) :- انا جتلى فكرة عشان اكلمها

الخطيب :- هى مين ؟؟

((عمرو)) :- ((ياسمين)) يا عم

الخطيب :- يا خرابى هو انت كنت بتتصل بيا عشان كدا هو انت لسة بتفكر فيها

((عمرو)) :- اسمعوا بس ((ويقطعه الخطيب ))

الخطيب :- انت بتحبها بجد

حودة :- هى بصراحة تتحب اوى جدااا خالص

((عمرو)) :- يا جدعان انا البنت دى شقلبت حالى والله ما نمت , طول الليل بفكر فيها وفى عنيها

ونفسى اكلمها واقولها انى بحبها

حودة :- خلاص يا فلانتينو ها تعمل ايه ؟؟

((عمرو)) :- انا ها اروح الدرس معاها

((لحظة سكوووووت باستغراب)) حودة والخطيب بيبصوا لبعض

وفجـــــــــــــاه
ههههههههههههههههههه

حودة :- يبنى انت سخن انت دخلت الكلية خلاص وعديت مرحلة الثانوية من زمان يابابا
ههههههههه

((عمرو)) :- اسمعوا بس

احنا ها نروح كاننا فى ثانوية كاننا عاوزين ناخد درس ونحضر الدروس عادى معاها عشان هى تلاحظ انى معجب بيها

الخطيب :- يا سلام ونرجع تانى للمذاكرة والتسميع والضرب والواجب

حودة :- طب اقولك على حاجة احسن احنا ناخد الطريق من اوله ونقدم فى كى جى تو
ايون ونرجع تانى للزمزمية والشنطة وميس فهيمة اللئيمة
هههههههههههههه

((عمرو)) :- والله العظيم ها امشى

الخطيب :- يا ((عمرو)) ما انت كلامك مش معقول

((عمرو)) :- اسمعوا بس

وفضل ((عمرو)) يقنع فيهم لمدة ساعة كاملة انهم يروحوا الدرس واخيرا قدر يقنع حودة انه يروح بس الخطيب رفض وطبعا حودة

وافق عشان سببين :-

1_ اولا طبعا عشان البنات اللى فى الثانوية
2_ عشان ((عمرو)) هو الل ها يدفع تمن الدرس
((ههههههههههههههههههههههههههههههههه ))
((سببين يقنعوا اى حد وبالزات حودة ))

وفعلا راحوا للاستاذ وكان مدرس فلسفة وطلع شكله عبيط همه كله الفلوس

وده اول يوم فى الدرس

حودة :- الصلا عل النبى هى ليلتنا فل ولا حاجة

((عمرو)) :- شششششش ها تفضحنا

حودة :- والنعمة امشى سيبنى بقى شوية اعيش حياتى

وعدت واحدة من قدمهم

حودة :- ايه الجمال ده غزال يا خواتى

((عمرو)) :- اسكت عشان ..................

وفجاه دخلت ((ياسمين)) ((عمرو)) اتسمر فى الارض ومش عارف يعمل ايه كل اللى عمله انه ماشلش عينه من على عينها

حودة :- يابن المحظوظة دى البت زى القمر صارووووووخ.................

((سمحوه عشان خاطرى هو ده مبدأه فى الحياه طبعا مبدأ .......))

((عمرو)) :- حودة عشان خطرى اسكت

حودة :- خلاص ياعم انا غلطان من الاول

وعدى اليوم الاول من غير ما ((عمرو)) ما يعمل اى حاجة غير انه يبصلها وبس بس هى طبعا اكيد اخدت بالها

وبليل التلاتة قاعدين على كافتيريا

الخطيب:- يلا يا عم اى خدمة جبتلك رقم التليفون بتاع البيت من صباحو كدب

((عمرو)) :- وقولتله ايه ؟؟

الخطيب :- ولا حاجة يا عم حورت عليه شوية

وهو فضل يدخلنى فى متاهات وعاوز اقوله خلاص عارف انك بتحور ومكسوف منه هههههههههه
حودة :- المهم انت ها تتصل امتى ؟؟

((عمرو)) :- لا لسة مش دلوقتى

وجيه تانى يوم فى الدرس

(وكل اللى عمله ((عمرو)) انه يبصلها بس هو المرة دى اتاكد انها اخدت بالها انه دايما يبصلها

وحودة كان مهيس خالص فى الدرس لدرجة انه خلى كل اللى فى الدرس يضحك بما فيهم الاستاذ

وبليل

التلاتة وخصوصا ((عمرو)) عمل حاجة جريئة اوى

فكر انه لازم يشوفها فجى ناحية البيت وراح معدى من تحت البلكونة وهما التلاتة علو صوتهم وبما ان حودة خلاص صوته بقى مميز جدااااااااااااا

فجأأأأأأأأأأأأأأأأأأأأة

طلعت من البلكونة تبص

صاحبنا قلبه اتخلع من كتر دقاته ووشه جاب الوان

حودة بيكلمه بصوت واطى

حودة :- يلا يا عم اى خدمة

ووصلوا لاخر الشارع ورجعوا تانى لقوها لسة واقفة

((عمرو)) بصلها جت عينه فى عينها

دخلت جرى على جوه

خد لفه ورجع تانى

حودة اتكلم بصوت عالى

لقوها طلعت من البلكونة

((عمرو)) فرح جدااااااا

وعمل نفسه بيكلم فى الموبايل وبيقول

((عمرو)) :- طب خلاص بقى انا ها اتصل بيك كمان شوية

وفى الطريق

حودة:- ما تتصل بقى يا عم

((عمرو)) :- لا يا عم لما اشوف اخوها الاول واكلمه عشان اوضحله الموضوع شوية

حودة :- انت عبيط ولا انت شكلك كدا

((عمرو)) :- يا جدعان بصراحة انا مش عاوز حد يقول عليها كلمة وحشة وطبعا ولا عليا انا كمان

الخطيب :- يبقى خلاص تقول لاخوها بعد ما تكلمها مش يمكن هى مش عاوزة تكلمك

((عمرو)) :- امممممممممممممممم

حودة :- اتصل بقى

الخطيب :- لآلآلآلآلآلآلآلآلآلا

اوعك تتكلم من موبايلك مش يمكن عندهم اظهار واخوها يعرف رقمك تبقى فضيحة

((عمرو)) :- اااااوك

حودة :- على اقرب سنترال

ودخل ((عمرو)) السنترال

واول ما مسك السماعة حس انه بينهار حس انه مش عارف هيقول ايه سابها لربنا كل حتة فى جسمه بتهرب منه حتى لسانه ما بينطقش مع كل جرس بتزيد دقات قلبه خايف حد تانى اللى يرد عليه وخوفه الاكبر انها هى اللى ترد عليه كل الكلام اللى محضره اتنسى

وفففففففجاه


((ياسمين)) :- الو

((عمرو)) بعد ما تاكد انها هى من صوتها

((عمرو)) :- ايوة

((ياسمين)) :- مين معايا ؟؟

((عمرو)) :-واحد ومش لازم تعرفى مين

بس لازم تعرفى انى معجب بيك من اول مرة شوفتك فيها وعملت كتير اوى عشان اكلمك

((ياسمين)) :- مين معايا !! (باستغراب )
((قال يعنى مش عارفة مين ده يا جدع البنات دول عليهم حركااااااااااات))

((عمرو)) :- واحد معجب بيك يا ((ياسمين)) وصعب اقول اكتر من كدا

((ياسمين)) :- اه وبعدين يعنى

((عمرو)) :- ولا قبلين

((ياسمين)) :- طب اى المطلوب منى !!!

((عمرو)):- بيقول فى باله (( ياريتنى ما اتصلت ))

بصراحة مش عارف كل اللى انا عارفه انى معجب بيك جداااا جدااااا

((ياسمين)) :-اااااه ...... طب ممكن ما تتصلش هنا تانى

(وف ثانية ((عمرو)) قفل السكة اول ما سمع الكلمة دى ماعرفش ها يقول اى حس ان كل حاجة ادمرت حتى الحلم اللى بقاله كتير بيسهر يحلم بيه ضاع واتكسر مش عارف ها يقول اى لصحابو اللى

مستنين فلنتينو اللى تاعبهم بقاله اسبوع عشان خاطرها الدنيا اسودت من حوليه

وبعديييييييييييييييين نكمل المرة الجاية

عشان خاطرك ياسكر هنزل الجزء التالت النهارده بالليل ان شاء الله

الحلقه التالته من ((عمرو)) و((ياسمين))

طبعا صاحبنا بعد المكالمة ماكنش فاهم حاجة خالص



((عمرو)):- منين البنت دى كل ما بتسمع صوتى تجرى على البلكونة
وتبقى عاوزة تشوفنى ومنين ردت عليا الرد البايخ ده ؟؟ ( طبعا بيكلم نفسه )



المهم صاحبنا ندم انه اتصل
طلع من السنترال وكانه طالع للنار ( مع ان الجو كان تلج )

المهم صحابه كانوا بيهدوه



حوده :- يابنى ماهى اكيد كان هو ده الرد الطبيعى منها
امال انت عاوز اول ما سيادتك ما تكلمها ترد عليك ايوة يا حبيبى انا بمووت فيك بعشقك كدا برده يا سونة يا خاين هههههههه



((عمرو)) :- مش عاوز تريقة سيبونى فى اللى انا فيه




الخطيب :- يا جدع فكك بقى وفرفش



((عمرو)) :- انا مخنوق اوى




الخطيب :- والله العظيم اسمع الكلام هى لازم تقول كدا فى الاول عشان يعنى تبان انها بنت تقيلة ومحترمة وكدا

( المهم فضلوا يقنعوا فيه ان ده عادى وطبيعى )

( وبرده مافيش فايدة )

( روح صاحبنا وطبعا كان ليل طويل على كل العشاق وهو من ضمنهم وخصوصا العشاق المجروحين )

( عمال يفكر طول الليل فيها وياترى اى اللى هيحصل )



صبح الصبح



كان المفروض ان فيه درس تانى يوم

صمم انه يروح بس حودة ما رحش تقريبا خاف

لقى البنت طبيعية خالص وبردك لسة بتبصلوا كل ما تيجى عينه فى عينها
قال فى عقل باله
(هى البت دى عبيطة ولا هى اللى شكلها كدا
يا إما انا كلمت حد غيرها
وهنا بدأ يشك فى الموضوع)


عدى 3 ايام
وكانت الساعة تقريبا 9 عدى روميو من تحت البلكونة
وكالعادة جوليت واقفة البلكونة فى الميعاد المعتاد جت عينه فى عينها ولانه كان لوحده مادخلتش فضلت واقفة تبصلوا
راح طلع الموبايل وقال بصوت عالى
انا مش عاوز غير الرضى
وبعدين انا لازم اكلمك
هى ابتسمت ودخلت

صاحبنا خد السكة صاروخ لحد السنترال
اتصل بيها
فى اللحظة دى هو ماكنش محضر كلام عشان يقولوا
وكان خايف اوى اوى وفى نفس الوقت مطمن لانه حاسس بقبول من ناحيتها

السماعة اترفعت


((عمرو)) :- الو
( كان حاسس انه سامع دقات قلبها فى السماعة وحاسس انها متوترة اوى وهو كان انيل منها المهم )




((ياسمين)) :- ايوة مين معايا !!



((عمرو)) :- واحد




((ياسمين)) :- واحد مين !!



((عمرو)) :- مش ((ياسمين)) معايا( بينه وبين نفسه اتاكد بقى المرة دى)






((ياسمين)) :- ايوة مين انت




((عمرو)) :- انتى عارفة كويس انا مين



((ياسمين)) :- اه وبعدين




((عمرو)) :- ولا قبلين بصراحة انا معجب بيك جداا جدااا يا ((ياسمين)) وربنا العالم بحالى دلوقتى وانا بكلمك ونفسى بصراحة ان احنا نكون لبعض



((ياسمين)) :- يسلام
بس انا فاهمة كويس اوى حركات الشباب بتوع اليومين دول و ....




قاطعها


((عمرو)) :- والله العظيم انا مش منهم خالص بدليل انى ما حاولتش ولا مرة انى اعكسك فى شارع او حتى اقول اى كلمة



((ياسمين)) :- صح انت جبت رقم التليفون منين ؟؟




((عمرو)) :- ده مش موضوعنا دلوقتى



((ياسمين)) :- انا مش بفكر فى المواضيع ديه دلوقتى خالص




((عمرو)) :- بصراحة انا بحبك بجد والله العظيم



((ياسمين)) :- اه وبعدين ( كلمة رخمة اوى اوى اوى اوى اوى )




((عمرو)) :- انا قولت اللى عندى ومستنى اسمع ردك( يا واد يا تقيل) بس على فكرة
والله العظيم عمرك ما هتندمى انك فى يوم كلمتينى
لانى بجد انسان كويس مش وحش
ومهما كان ردك عليا
ها تفضلى ((ياسمين)) اللى اتشدتلها من اول ما جت عينى فى عينها



سكووووووووووووووووووووووت




((عمرو)) :- ((ياسمين)) قولتى ايه ؟؟؟



((ياسمين)) :- طب وانا اى اللى ضمنى ان الكلام اللى انت بتقوله ده مش كدب
وانك بتتسلى بيا




((عمرو)) :- الدليل على كدا انى فى كلية مش فى ثانوى



((ياسمين)) :- يسلام امال مين ال بييجى الدرس ده



((عمرو)) :- انا بروح الدرس بس عشان اشوفك



((ياسمين)) :- طب ممكن تقفل دلوقتى عشان بابا زمانه جى




((عمرو)) :- بس انا ما سمعتش ردك



((ياسمين)) :- سيبنى افكر وارد عليك




((عمرو)):- ((ياسمين))



((ياسمين)) :- نعم



((عمرو)) :- بحبك



((ياسمين)) :- يلا باى



((عمرو)) :- لا اله الا الله




((ياسمين)) :- سيدنا محمد رسول الله



وطلع صاحبنا من السنترال مظأطط ونفسه يجرى فى الشوارع ويغنى



بحبهااا.... وفى قلبى ساكن حبها ..... ياريت ياشوق توصلها ......ويحس بيا قلبها
بحبها................ بحبها




وتانى يوم كان فيه مصيبة مستنياه فى الدرس
طبعا ((عمرو)) لبس الحتة ال على الحبل
وحط برفان 5 خمسات ههههههه
وجلجل شعره
وظبط نفسه وراح الدرس وهو فى سكته حود على حودة
وحكاله الحوار فى السكة

وحودة كان فرحان عشانه اوى لانه حس ان ((عمرو)) مش فى حالته الطبيعية


راح الدرس


اول مادخل الدرس لقى ((ياسمين))
واقفة مع منى ( سكرتيرة الدرس )
ووششها عليه غضب ربنا اتفجع الواد
ولقى منى بتناديله




وكانت المفاجاة الجامدة صدمة على ((عمرو))



الواد هيموت منناااااااااا

________________
ووونكمل المرة الجاية

ههههههههههه
صدمة
انا بحب كدا

القصة جميلة جدا ياجماعة واحسن تكون على اجزاء عشان متعة الاثارة والتشويق(حلوة الكلمتين دول) استنونى النهارده فى الجزء الرابع ان شاء الله

القصة بجد تحفة جامدة جدااااااااااااااااااااااااااا وعايزين الباقى بسرعة بسرعة بسرعة قصة رومانسية اووووووووووووووى

reem كتب:

القصة بجد تحفة جامدة جدااااااااااااااااااااااااااا وعايزين الباقى بسرعة بسرعة بسرعة قصة رومانسية اووووووووووووووى

نورتينى ياعثل وان شاء الله هنزل الجزء الرابع فى خلال نص ساعة من دلوقتى

الحلقه الرابعه جاااااااااااامده جدااااا ورومانسيه خالص
يلا نبدأ1 ..2 ...3 ... اكشن

اول ما ((عمرو)) سمع صوت منى بتنادى عليه قلبه وقع فى رجليه
دخل اول ما ((ياسمين)) شافته جاى عليهم
راحت بصاله بصة عمره ما هينساها
( رفعت حاجب ونزلت حاجب )

وراحت سابت منى ودخلت هى على جواه ووراها مروة صاحبتها
((عمرو)) بينه وبين نفسه
( ياريتنى كنت مت قبل اللحظة دى ربنا يستر )

وطبعا فيه واحد واقف بره مش همه غير حاجة واحدة بس
عمال يبص على صاحبة ((ياسمين)) ويعيش موهبته

دخل ((عمرو))
منى :- انت ليه يا ((عمرو)) عملت كدا ؟؟

((عمرو)) :- عملت ايه !!

منى :- انت اتصلت امبارح بببيت ((ياسمين))
( بص ((عمرو)) لمنى وراح باصص فى الارض )

منى :- يعنى اتصلت

((عمرو)) :- اه

منى :- طب ليه ؟؟

((عمرو)) :- عشان بحبها

منى :- وانت مش شايف ان ده مش وقته خالص يا ((عمرو)) اهتم الاول بمزاكرتك ( طبعااااااااااا ماهى ما تعرفش اللى فيها )

((عمرو)) :- طب ولو كانت هى السبب اللى بتخلينى اهتم بمزكرتى

منى :- يعنى ايه ؟؟

((عمرو)) :- يعنى انا عاوزك تخوشيلها دلوقتى وتقوليها ....
((عمرو)) واقف بره وعاوز يكلمك ثوانى
( وبعد ما ((عمرو)) اقنع منى انها تبقى الوسيط دخلت منى وقالت ل((ياسمين)))

منى :- ((عمرو)) عاوز يكلمك ثوانى
( طبعا ((ياسمين)) استغربت تماما )

((ياسمين)) :- لا طبعا مش ها اطلعله في إيه يا منى ... انا جاية هنا علشان الدرس وبس

منى :- وطى صوتك بس

((ياسمين)) :- منى خليه يلم الدور عشان ما يحصلش مشاكل لان لو بابا عرف مش هيحصل كويس

منى :- اهدى بس كدا على العموم براحتك انت حرة

منى :- مش ها ينفع يا ((عمرو))
((عمرو)) :- هى بتعمل كدا ليه ؟؟ هو انا لعبة فى ايديها
( دخل حودة على كلام ((عمرو)) )

حودة :- فيه ايه

((عمرو)) :- مافيش حاجة يلا بينا نمشى

منى :- طب والدرس يا ((عمرو)) استاذ محمد زمانه جى

((عمرو)) :- ينحرق
( ومشى ((عمرو)) وعفاريت الدنيا بتتنطط فى وشه )
راح هو وحودة على كافيه كالمعتاد
وحودة يهدى فيه
و((عمرو)) كل اللى شاغله حاجة واحدة بس
وما بيسالش نفسه غير سؤال واحد
.......... هى ليه بتعمل كدا ........

((عمرو)) :- هى ليه مرة تخلينى طاير فى السما ومرة تانية ترمينى فى سابع ارض

حودة :- يا جدع اهدى فكك منها يا ((عمرو))

((عمرو)) :- مش هاسيبها غير لما اعرف اى السبب هو ايه انا جزمة ف رجلها تقلعها وقت ما تقلعها ( يا واد يا جامد )

حودة :- يبنى هو ايه اللى حصل لكل ده

((عمرو)) :- يا عم انت يعنى مش شايف بليل كانت تمام اوى وبتكلمنى بكل هدوء وتقولى افكر

حودة :- ما يمكن فكرت

((عمرو)) :- خلاص لو فكرت تقولى انا مش تفضحنى كدا

حودة :- هى طبعا غلطانة بس اهدى بس

((عمرو)) :- ااااااوووووووووووف

وفضل ((عمرو)) وحودة فى الكافيه لحد ما الخطيب جالهم
حكولوا اللى حصل
طبعا المعلم استغرب جداااااااااااا
واتفقوا انهم لازم تبقى نهاية الموضوع بليل ويتصل المعلم بيها
وافق ((عمرو)) على كدا
وبليل
قبل ما يوصلوا لبيتها
شافوها هى وصحبتها مروة مروحين
((عمرو)) اول ما شافها كان ها يجن

((عمرو)) :- اى الجمال ده

حودة :- يا خرابى

الخطيب:- طب ماهو من حقها يا عم تدوخك وراها

((عمرو)):- اهدى

حودة :- ماشى يا باشا

( وصلت ((ياسمين)) صاحبتها وهى راجعة عشان تروح اخدت بالها من ((عمرو)) اول ما شافته نزلت عينها فى الارض ومشت وهى موطية وشها لحد ما وصلت بيتها )

((عمرو)) ما استناش راح على السنترال واتصل

السماعة اترفعت

نفس الصوت اللى بيحلم يسمعه على طول
صوت ملاك اجمل صوت لاجمل انسانه شافها

((ياسمين)) :- الو

((عمرو)) :- انت ليه عملتى كدا ؟؟

( سكتت )

((عمرو)) :- نفسى اعرف انت ليه بتعملى كدا فيا ؟؟؟ يعنى انا غلطتى انى صارحتك من اول مرة و قولتك انى بحبك يا ((ياسمين)) يا ارق من النسمة واجمل من ال((ياسمين))
قولتيلى انك ها تفكرى مش انك ها تفضحينى بالشكل ده
( سكووووووووت منها )

( مش سامع غير تنهيدها ونبض قلبها )

((عمرو)) :- حتى لو كنت رافضة كنت صارحينى مش ها ازعل
يمكن اكون ازعل
لاكن كنت ها احترم رأيك
وهاتفضلى انت ((ياسمين)) هى هى اللى اخدتنى من كل الناس اللى حوليا بنظرة من عينها
( سكوووووووت ) ( بصراحة ثبتها تثبيتة نااااااااااار )

((عمرو)) :- ساكتة ليه

((ياسمين)) :- مش عارفة اقولك ايه

((عمرو)) :- انت ليه عملتى كدا

((ياسمين)) :- خايفة

((عمرو)) :- من ايه ؟؟

((ياسمين)) :- منك

((عمرو)) :- منى انا طب ليه !!

((ياسمين)) :- خايفة يكون اول حب ليا اكبر جرح ليا

((عمرو)) :- طول ما انت معايا ما تخافيش من اى حاجة
لانى عمرى ما ها اخلى العيون دى تدمع دمعة واحدة لان ما فيش اى حاجة فى الدنيا تستاهل دمعة واحدة من عيونك
واوعدك انى عمرى ما ها ازعلك فى يوم

((ياسمين)) :- ماشى

((عمرو)) :- ماشى ايه ؟؟

((ياسمين)) :- ما انت عارف كل حاجة ( بضحكة خفيفة )

((عمرو)) :- انا عاوز اسمعها منك

((ياسمين)) :- على فكرة ماما نايمة وخايفة تصحى وبابا زمانه جى

((عمرو)) :- ما انا مش ها اقفل غير لما اسمعها منك

((ياسمين)) :- ((عمرو)) انت بتحبنى بجد

((عمرو)) :- كل ده ولسة بتسالى دلوقتى اعمل اى عشان تصدقى انى دايب فيك

((ياسمين)) :- ولا حاجة

((عمرو)):- طب بقى اسمعها منك

((ياسمين)) :- وانا كمان

((عمرو)) :- انتى كمان ايه ؟؟

((ياسمين)) :- يلا بقى عشان ماما ما تصحاش
تصبح على خير

((عمرو)) :- وانت من اهله يا اجمل ملاك شفته فى الدنيا

و((عمرو)) ما كنش عاوز يحط السماعة ابدا من ايده
وطلع الولهان برة وكله شوق عاوز يكون اخر صوت سمعه هو صوتها

وووووووايه رايكم فى الحلقه الرابعه
وانتظرو اجمد الحلقات والمفاجات

بجد انا خلاااااااااص عايزة الحلقات كلها بجد جاااااااااااااااااااااااااامدة جداااااااااااااااااااا جداااااااااااااااااااااااااااااا

ليه تعمل كده انت باعلقنا يعنى ولا ايه؟؟؟؟؟

منورانى دايما ياقمر وان شاء الله المسلسل يكون عجبك بس استنوا وتابعوا للآخر لان لسه فى مفاجآت كتييييييييييييير

نزل الحلقة بسرعة عايزين نعرف المغجأة