حوار مع فرخه مزكومه

بعد عودة مرض أنفلونزا الطيور في مصر مره اخرى......

أطلقت الحكومة يد الشرطة في مهاجمة عشش الفراخ على سطوح المنازل

وتم إعدام آلاف من الفراخ في الأيام القليلةالماضية........

وكان في دكتورة معرفه كدا

راحت

تشوف شكل الفراخ اللى بتستنى اداء حكم الاعدام فيهاحوار فرخة مزكوووووومة

ودار الحوار دا بينها وبين فرخه منهم

***********************

في البداية لاحظت حالة الذهول على الفرخة ..... حتى أن منقارها كان بيتحرك في عصبية بالغة

وكانت في قمة ثورتها وغضبها .....

بصراحة صعبت عليها.........
حتى أنها هي التي بدأت معها الحوار دون أن تسألها....

يرضيكي يا دكتوره اللي بيحصل ده .....؟؟؟؟

فقالت لها ....معلش بس دي حالة طوارئ والعالم كله في رعب بسبب الأنفلونزا اللي عندكم

ودي مصلحة بلد بحاله وما ينفعش الدنيا تخرب علشان مرض أصابكم .............

انتفضت الفرخة وأشارت بجناحيها بعصبية

وقالت ...... أحنا برضه السبب .... والله لو دورتي
كويس في الموضوع ده هاتلاقي أن البني آدمين هوما اللي مصدرين لنا أنفلونزا الطيور دي ...

من أمتى واحنا بنؤذي حد ما حنا طول عمرنا عايشين معاكم ومستحملين بلاويكم وقرفكم ....

مرة تخنقونا بالسحابة السودة
ومرة تشربونا مية معفنة من اللي بتشربوها ف بيوتكم

هي بصراحة اتغاظت
وكانت ها تخنقها
وقالت لها ...... ليه أنت عاوزة مية معدنية إن شاء الله

قالت هو الموضوع وقف عند المية بس .......
ما نتم بتأكلونا عيش بايت من المعجن اللى كله طوب وظلط اللي بتاكلوه

واللي زاد وغطى ......
إنكم بتدونا برشام منع الحمل ......

يا دكتوره إحنا بقينا بنبيض بالعافية .....
والهرمونات هدت حيلنا .........

بصي يا دكتوره ع الديك من دول تلاقيه..... منظر.....
صدر منفوخ ..... ووراكي مكلبظ وعرف زي العلم ........
وساعة الجد تلاقيه قلب كتكوت .... ......

فين أيام زمان يا دكتوره
لما كانت الفرخة البلدي والديك البلدي حالتهم تشرح القلب

البني آدمين يا دكتوره هوما اللي عملوا لنا نيولوك بالأدوية والعلف المهبب الجديد

وفي الآخر عاملين علينا حرب ونازلين فينا تدبيح .....
وعاملين علينا حرب ولا الحرب العالمية التالتة....

فقالت لها ...ومين السبب في الحرب دي يا فالحة.....؟؟؟؟؟؟

قالت على الفور......
طبعا أمريكا هوه فيه غيرها......

هي عملت كده مخصوص عشان ما حدش يعرف يكاكي معاها

قالت لها ......يا سلام.......

قالت .....طبعا البني آدمين ما حدش بقى بيكح معاها....
لقت ما فيش غيرنا
أحنا اللي طالع لنا صوت في العالم

قالت تصدر لنا المرض ده علشان تخرسناااااا

واحنا لعلمك .....عارفين بالتحديد مين صاحب المخطط ده من الأمريكان
سألتها........ميييييين.......؟؟؟؟؟؟؟

أقل منها
قالت هو فيه غيره........
{ ديك....}
ديك تشيني طبعا....منه لله...

هو السبب في تصدير أنفلونزا الطيور للعالم الغلابة....

تقدري تقوليلي لى اشمعنى المرض ده ما ظهرش ف أمريكا لحد دلوقتي.....

ما ظهرش غير ف الدول الغلبانة اللي بتعتبرهم أمريكا

بصراحة الدمعة فرت من عينها.....وأقنعها كلام الفرخه.........

ولما جيه الدور على الفرخة لتنفيذ حكم الإعدام فيها
وجم عساكر الداخلية عشان ياخدوها

سألتها.......
نفسك ف حاجه قبل ما يعدموكي.......
قالت....... نفسي أزور أمي في كنتاكي قبل ما اموت

بصي يا دكتوره ع الديك من دول تلاقيه..... منظر.....
صدر منفوخ ..... ووراكي مكلبظ وعرف زي العلم ........
وساعة الجد تلاقيه قلب كتكوت .... ......
ههههههههههههه
جااااااامدة

مـشـرف عدد المساهمات : 57

موضوع جامد جدا تسلم ايدك

ميرسي لمروركم قوووووووووي

هههههههههههههههههههههههههههههههه
جامدة جدا

ميرسي يافمر نورتيني

» أحمد حسن فى حوار نارى
» حوار بين القلم والقلب
» عادل إمام : في حوار جري .
» حوار بين رجل ذكي وامرأه ذكيه