الشيطان ده واطي قوي

و انا قاعد ساعة صبحيه

المره ديه مشوفتش بنت معديه

و لا فيه حلت ملوخيه

المره ديه قاعد في البيت

مزاجى اتقلب عليا شوية

قولت اقوم افك على نفسى

اقرالى حاجة مسلية

ولا اقولك هاسمعلى اغنية

واغنية ورا اغنية

والظهر اذن عليا

قولت اقوم اصلى

قولت لسه على العصر شوية

وشوية وقومت اصلى الظهر

افتكرت البت قالتلى ابقى رن عليا

رحت رانن

راحت متصلة بيا

قالتلى نخرج شوية

قولتلها امرك يا ستي .. من عنيا

قومت ولبست

ونزلت وخرجت

وقعدنا واتمشينا

وروحنا وجينا

وبعد ساعتين وشوية

قالتلى بابايا هايقلق عليا

لازم امشي يا عنيا

روحت ووصلتها

وقالتلي حقك عليا

تتعوض المره الجايه

روحت واخد بعضي ورجعت على البيت

وقعدت و اتغديت

افتكرت موضوع خطير

ده انا لا صليت ظهر ولا عصر

قولت خلاص هاقوم

اصلي واغير الهدوم

رن التليفون على طول

ايوة مين........؟

حبيبك حسين

ازيك يا باشا

نهارك بغاشا يالا خارجين

يابنى على فين

سهرة من اللى هيه

بس انا لسه داخل من شوية

ياعم يالا هو العمر فيه بقية

روحت نازل هي جت عليا

ولا حتى غيرت هدومى

قولت اهو افك عن همومى

و هوبا روحنا دي جي

ايشى لابسه وايشى عامله

قولت حلوة الدنيا دية

اهو الواحد يعيشلو فيها شوية

وقمت رقصت وهيصت

ولدى غمزت..... ولدى بصبصت

و روحنا واحنا معانا شلة بنات

قولنا هاتبقى ليلة بيات

والبنات كانت دمها شربات

وصحبى دور العربية

وعليها وشغل اغنية

و في الليله ديه

جت اللحظه اللي هي

مافيش ربع ساعة

اتقلبت بينا العربية

انا روحت فين ....جيت منين

من المنظر قلبى اتقبض

اصحابى مترمين حوالية

اقعد انده فيهم

محدش بيرد عليا

طب قوم ....طب قومى

محدش بيتحرك

ماااااااااااااتو كلهم ؟؟؟؟؟؟؟؟؟؟

مابقيتش مصدق نفسي

ومن الخضه اغمن عليا

كان ممكن اموت زيهم

وكان مصيري هو مصيرهم

ما انا كنت واحد منهم

قاعد اهيس زيهم

الله أعلم يا ترى ايه بيحصلهم...........؟؟

ظهرلى خيال من بعيد

عمال يقرب ويزيد

ومره واحده لاقيته واقف ادامى

راجل عجوز لكن قبيح

قولتلوا انت مين....؟؟؟

قاللى انا اللى مضيع البنى ادمين

انا الشيطان

موجود من زمان

عدو بنى الانسان

قولتلوا انت السبب فى اللى احنا فيه

شوفت اصحابى حصلهم ايه

قاللى وهو انا كنت معاكم يا بيه

قولتله مافيش حد غيرك بيرمينا فى الشر

قاللى كان ادامك الاختيار

بس انت اللي كان عندك الاصرار

ونفسك جبتك زي الحمار

لا حد غصب عليك

ولا حد ضربك على ايدك

واصحابك نفس الحوار

وانا مهمتى اوديهم للنار

عشان اكمل المشوار

و انت يا بني ادم

خسرت دنيتك واخرتك

وقاللى انا وراك مهما تعدى بحار

وراك يا ابن ادم وراك

مش هادخل لوحدى النار

وشوية ولاقيت كله انهار

والدنيا بتسود ومفيش نهار

ومابقيتش شايف حاجة

وصوت بينده عليا

وبيعلى وبيعلى وبيعلى

و فجاة!!!!!!!!!!!!!!!!!!!!!!!!!!!!!!!!!!!!!

قومت اتفزعت وكنت منهار

واتارينى كنت نايم

قومت وحمدت ربنا انى كنت بحلم

وقولت اكيد ده انذار

لاقيت امى بتنده عليا

بتقوولى احضرلك الفطار

وساعة الظهر اذن

رحت فى ساعتها قومت اصلى

وقلتلها يستنى الفطار

وقولت لنفسى كل شىء بيستنانا

الا المــــــــــــــــــــــــــــــــــوت احنا بنستناه

طبعا الفكره كلها من اليلله دي ان كل شاب بس يحاول يحسن من حياته عشان متضيعش ع الفاضي

يالهوي على طريقة كتابة القصة دي
روعة روعة روعة بجد .. قصة جميلة اوي
ولحكمة منها جميلة اكتر
يسلملنا مجهودك يا زعيمة
farao

يسلملي مرورك انت يا باشا واحنا في الخدمه دايما