موضوع: الف ليله وليله مودرن الأحد 07 نوفمبر 2010, 10:48 pm
الليله الاولي "الله يخرب بيوتكوا ......ايه يبنى انت وهو الدوشه اللى بره دى؟..........هو الواحد ميعرفش يرتاح فى قصره شويه؟ ..........اندهولى وزير المخروبه دى" - دى الناس عامله مظاهره بره يا سعادة الباشا السلطان - ليه بقي ان شاء الله؟ - مش لاقيين عيش - طب قول للافران تخبز عيش - ماهو الفرانيين عاملين مظاهره هما كمان - ليه تانى؟ - مفيش دقيق - قول للمطاحن يطحنوا شوية قمح - نفس المشكله سعادتك مفيش قمح - يا عم ما تخلى الفلاحين تزرع ده انت فقرى اوى - ماهم بقي الفلاحين اللى عاملين مظاهره وسايبين الزرع عشان مش لاقيين عيش - ااااااااااااه طب اصرفلهم عيش من المخازن - ماهى فاضيه سعادتك من ساعة المظاهره الاولى - خلاص اصرف لكل واحد كارت شحن من ابو خمسه وعشـ...ولا خليه من ابو عشره - امرك يا سعادة الباشا السلطان - تعالى هنا صحيح ............ جبتلى عروسه النهارده ولا ايه النظام؟ - هنشوف يا باشا - طب استنضف بأه مش زى ليلة امبارح -جايبلي عروسه اسمها فتكات يا زفت -الله يحرقك كل ما افتكرها ابقي عاوز اخنقك -الا قلي يا زفت دي جبتها منين -دي كانت بتبيع لمون -لمون ليلتك سوده متسوده بسواد لونه اسود - ماهو مفيش بنات يا باشا فى البلد.....الناس كلها بعتت بناتها للبلاد التانيه - طب انت مش عندك بنت؟ - اه شهرزاد يا باشا - طب هتجوزها.......روح يلا مالك متسمر كده ليه؟
"وفى قصر الوزير" - يا بنتى اسمعى كلامى يلا ناخد اول طياره على بره - لا يا بابا سيبنى احاول معاه - يا بنتى انا شايل قرشين حلوين فى سويسرا هيعيشونا ملوك - قلت لا ....لو عاوز تخلع انت اخلع لوحدك - مش هقدر طبعا طالعه فقريه زي امك اللي طقهتني في عشتي - اهي ماتت علي الله منحصلهاش بالبريد السريع بسببك - وبعدين منا عامل كده عشانك انتى - طب وعشانى انا اقعد وشوف انا هعمل ايه - اما نشوف
(وتم الزفاف سريعا وفى اوضة النوم الملكيه....) - انتى مالك فرحانه كده ليه؟ ده انتى هتموتى الصبح - منا عارفه - عارفه ومبسوطه كمان؟ - اه - هو الوزير مخلف عيله هابله ولا ايه بس - يا عم ما كلنا هنموت - اه بس انتى بكره - وانت امتى يعنى يا فتك؟ - الله اعلم - مانت ممكن تموت قبلى - بقولك ايه انا مصهلل النهارده ومش طالبه معايا نكد .....حد يقول لسلطان فى فرحه انت هتموت قبلى؟ - يعنى حد يقول لعروسه فى ليلة فرحها هتموتى بكره انت كمان؟ - عندك حق انا هنام بقي - نعم ياخويا؟ انت متجوزنى عشان تنام وتموتنى؟ - خلاص خدى الريموت عندك فيه فيلم اجنبى حلو فى الـ mbc2 والاوربت فيها فيلم عربى جميل برده - لا يا عم مش عاوزه تليفزيون - امال عاوزه ايه بأه......احكيلك حدوته؟ - لا احكيلك انا يا شوشو - طب احكى يا ستى وصدعينى - ولو عجبتك تسيبنى متموتنيش بكره؟ - لو معجبتنيش هموتك دلوقتى ولو عجبتنى هسيبك للصبح - طب اسمع الاول وبعدين ابقى قول - قولى يختى - بص يا عم بيقولك مره واحد ....... - انتى هتحكى حدوته ولا نكته؟ - اهمد بقي انت مش ليك حدوته؟ اسمع للاخر بقي - ماشى قول يا عم على بابا...........اوعى تكون بتاعة على بابا؟ - لا دى قصة واحد فقرى - اه كده لايقه عليكى قولى ما هى ليله باينه فقريه من اولها - بص يا سيدى وما ستك الا انا - خدى راحتك مانتى كده كده ميته بكره - يا عم متفولش اياكش انت تسبق ......بص يا عم بيقولك مره واحد فقرى اوى كان ماشى الصبح ورايح يجيب فطار لاولاده حلو الكلام؟ - (بملل ) كملى كملى - فهو بيعدى جسر كده وبيبقى معاه سلطانيه بيجيب فيها الفول بتاع الفطار المهم وقع من على الجسر ده فى قلب الميه....وقع فين؟ - اخلصى يا حجه بقي هو انتى بتحكى لعيل صغير؟ - ماشى يا عم العجوز.....المهم نزل تحت الميه ناس اخدوه تحت اوى كمان لقى بلد كامله ... - (باهتمام بس مش عاوز يبين) كل ده تحت الميه؟ - اه واخدوه على الملك بتاعهم كمان اواااااااااااااااااااااااه (بتتاوب) - كملى بسرعه بقي - لا يا عم انا عاوزه انام - يا بت كملى باه متزهقينيش - ازهق - هتخلينى اتعفرت - على نفسك - يا مسرور - امرك يا باشا السلطان - طير رقبتها - يلا يا مسرور طير وخلصنى وابقى كمله انت الحدوته بقي - استنى يبنى انت ما صدقت يلا .......روح انت دلوقتى - امرك يا سعادة الباشا السلطان - طب ماشى مجتش من يوم انا ممكن اجيب اى حد يحكيهالى بس يلا هسيبك وبكره تخلصى الحدوته واطير رقبتك ....
sara fares مـشـرف
عدد المساهمات : 307 العمر : 34
موضوع: رد: الف ليله وليله مودرن الأحد 07 نوفمبر 2010, 10:51 pm
هستني رايكم لو عجبتكم هنكمل باقي الحلقات اووووووووووووووووك مستنيااااااااااااااااااااااكم
sara fares مـشـرف
عدد المساهمات : 307 العمر : 34
موضوع: رد: الف ليله وليله مودرن الأربعاء 10 نوفمبر 2010, 12:23 am
الليله التانيه
بلغنى ايها الملك السعيد ذو الرأى الرشيد انه عندما كثرت العيال وانعدم راس المال اتجه الفلاحون للسماد وانتشر الكبريت والفوسفات بين البلاد وتحول لون الطماطم الى الاصفرار وتحولت الفاكهه الى خضار واتجه "الاستاذ"مواطن الى اكل المعلبات وحرم الاطفال المساكين من المحاشى والسلطات وخد الشباب على اكل السندوتشات والتيك اواي اللي مضيع فلوسهم واتقطعت الملوخيه الخضره من التلاجات وهكذا استوردوا البطاطا وعصروا الجوافه وتدهور الحال بالتجاره وحصلت ازمه فى الوزاره واتجهوا الى فرض الضرائب على العباد والخنصره من اكل المواشى والجياد شهر يار: فرض الضرائب على العباد؟والخنصره من اكل المواشى والجياد؟ شهرذاد: نعم مولاى ثم انهم قسموا الفطيره وجلسوا ليشاهدوا الكره المستديره ودفعوا عشان يجيبوا الكابتن اليابانى ومدفعوش عشان يرمموا المبانى واحتار الشباب بين نانسى واليسا وهيفا واصبح حلم الموظف ان يركب تاكسى واصبح الشعار المرفوع بين الشعب مطرح ماتدوقلها مش هاترسى كوكوكوكوكوكووووووووووووو كوكوكوكووووووووو مولاى شهريار: لا يا شهرذاد ماتناميش كملى الحكايه ابوس ايديكى شهرذاد: مولاى لقد كوكو ديك الصباح وذهبت الحكايات لترتاح وسوف احضر اليك غدا لاقص عليك اول حكايه في حكاياتنا شهريار
بس بالله عليكى ماتعوقى عليه يا شهر شهر ذاد: حاضر يا يريورتى
hamada titanic Very Good Friend
عدد المساهمات : 420 العمر : 37
موضوع: رد: الف ليله وليله مودرن الخميس 11 نوفمبر 2010, 7:17 am
موضوع: الف ليله وليله مودرن 
