رحله سريعه لشرم الشيخ بالصور

شرم الشيخ من اجمل المدن السياحيه بجد اللي انا شفتها وبحبها قووووووووووووي شرم الشيخ هي جوهره سيناء ومدينه السلام
تقع مدينه شرم الشيخ في محافظه جنوب سيناء بين خليج البحر الاحمر وخليج العقبه



ده منظر ليها من الطياره بيبين الخليج شكله ايه



وده بقي مطار شرم الشيخ حمد لله ع السلامه وصلتم بالسلامه لارض السلام



دي بقي بوابه دخول شرم الشيخ هتنوروني بجد







شرم مليانه اماكن كتيره جميله جدا وفيها انشطه اكتر عشان نمارسها انا هاخدكم جوله في بلدي لاحلي الاماكن اللي فيها بجد
يلا بينا
اول مكان هنزوره سوا هوخليج نعمه وده يبقي قلب شرم الشيخ واجمل مكان بجد فيها والسياح بيسموه شانزلزيه شرم الشيخ وهو يعتبر مركز الحياه في المدينه لانه كل جو مرح ولعب وهو مصمم بشكل يجمع بين الممرات وطرق المشاه الملونه بين المقاهي والمطاعم والنوادي الليليه التي تقدم استعراضات من جميع انحاء العالم وكذلك المقاهي اللي علي الشواطئ التي تضاء بعضها ليلا بالمشاعل وتضفي روعه وجوا رومانسيا جميلا علي البحر الساكن ويمكن السهر في خليج نعمه حتي الصباح ومتابعه شروق الشمس وسط الافق في لحظات لا تنسي














ومن اشهر الفنادق في خليج نعمه
نعمه بي-هلنان-ماريوت الامامي والخلفي-سونستا-نوفوتيل-كهرمانه-شرم هوليدي-نوريا


يلا علي المكان التاني وهو خليج القرش وده من تاني اشهر الخلجان في شرم الشيخ ويحتوي علي العديد من المنتجعات والفنادق السياحيه مثل pyramisa egypt وفندق helton sharks bay





يلا بينا بقي عليالقارب الزجاجياو الوده عباره عن غواصه تحت البحر يكون قاعها من الزجاج عشان نقدر نشوف السمك والشعاب المرجانيه الملونه والرحله بتستغرق تقريبا 3 ساعات وسعرها 40 جنيه للفرد







يلا بقي نكون لوحدنا شويه ونطلع رحله باليخت لينا وبس ودي بتبقي رحله خاصه من غير سياح معانا اليخت هيمشي في البحر من 9 صباحا حتي 5 مساءا والمده دي نقدر نعمل اللي عايزينه سباحه او صيد او حتي ال snorkelling والرحله دي سعرها 350 دولار
طبعا مش كلنا عارفين ال snorkelling ده الطفو علي سطح البحر وانت علي بطنك وذلك بارتداء اشياء خاصه بتساعد علي الطفو ومش شرط تكون سباح جاااااااامد يعني عشان تمارسها انت بس البس الحاجات دي وتلبس النظاره المكبره عشان تشوف اعماق البحر تمام وانت علي السطح وعيش يامعلم





ممكن بقي واحنا ع اليخت نزور اي جزيره من الجزر ونقضي يوم جاااااااااااامد هناك زي ايه بقي هنشوف اهو

جزيره تيران: ودي بتبعد 60 كيلو من ساحل سيناء الشرقي ودي عباره عن جزر وشعاب ومرجانيه وصخور القاعده الجرانتيه القديمه وهنشوف هناك الاسماك النادره تحت اغطيه الصخور المترسبه وممكن كمان في الطريق نشوف السفينه الروسيه الغرقانه gorden roof والرحله دي بتتكلف 120 جنيه واحيانا سعرها بيزيد علي حسب اليخت ونظامه



ندخل بقي علي محميه راس محمد ودي بقي اجمل منطقه طبيعيه فيها اجمل الشعاب المرجانيه ومخلوقات بحريه تعود لاكثر من 20 مليون سنه عشان تستمع بالمكان انت تحجز رحله شامله الغداء من 8 صباحا ل 4 عصرا ودي سعرها في حدود 140 او 150 جنيه









والشعاب دي بقي سبحان الله علي شكل مخ الانسان





وسبحان الله علي درجات الوان الميه بجد جااااااااااااامده



نروح بقي لشارك باي ودي انسب مكان للي لسه بيتعلموا السباحه وخايفين من الاماكن العميقه



ايه رايكم بقي واحنا لسه في البحر وقبل ما نطلع ع البر نزور السفينه البريطانيه الحربيه الغرقانه الودي غرقت بكامل معداتها في البحر الاحمر اثناء الحرب العالميه التانيه عام 1941 وما زالت تحتوي علي كامل محتوياتها حتي الان مثل القنابل والخزانات والصواريخ بالاضافه للحاجات الشخصيه للطاقم وتم العثور عليها عام 1956 ويمكن زيارتها بركوب قارب من شرم الشيخ في رحله مدتها 3 ساعات ونص جوه في قلب البحر عشان نوصل للسفينه



نطلع بقي علي البر شويه ويلا بقي بينا علي السوق التجاري القديم نعملنا روندايه كده ونجيب اللي عايزينه قبل السهره
وده عباره عن سوق لبيع الاشياء الاساسيه وليست الترفيهيه مثل الفواكه والخضروات والاسماك وومكن كمان تشتروا كروت شحن الموبايل وبنفس اسعارها اللي بتشتروا بيها
اجمد مطاعم السوق القديم هما
مطعم فارس للاسماك



مطعم صفصفه للاسماك والماكولات البحريه
مطعم المصريين وهو خاص بالمشويات والاكلات المصريه زي المحشي وانتوا عارفين الباقي بقي















الجبل ده بقي منحوت علي شكل شلالات بس روعه روعه












نطلع بقيرحله سفاريقبل الليل ماينزل
ودي رحله بريه علي الموتوسيكل ذو الاربع عجلات ودي بتبقي 3 ساعات ب 120 جنيه وبيكون قدامكم ووراكم مرشدين عشان الطريق وكل فتره توجد راحه تتخللها شرب شاي في الخيم البدويه ومش ضروري رخصه قياده








نروح نتفرج بقي علي عرض الدولفين شويه
وده بيبقي في منه عرضين كل يوم وهو بالقرب من فندق ريتز كارلتون وكل عرض بيكون في اكتر من 500 شخص اغلبهم بيكونوا من الروس والايطاليين والعرب وممكن تركب علي ظهر الدولفين وتسبح معاه مقابل 10 دولار فقط لاغير





طبعا بقي مينفعش نبقي في شرم الشيخ وميبقاش فيه ملاهي مائيه في طبعا اكوا بارك









يلا بينا بقي نسهر في قريه الف ليله وليله وده عباره عن قريه كبيره فيها مطاعم ومقاهي ومحلات لبيع التحف التذكاريه والاثريه
وحفلات للمطربين وسينما لعرض احدث الافلام العربيه وقاعه علي بابا وعروض صوت وضؤ وعرض للخيول وكمان رقصات شعبيه من مختلف محافظات مصر يعني هنلاقي البدوي والصعيدي وغيرهم كتير وفي كمان ديسكو بعد انتهاء العرض وبيدا العرض دايما الساعه 1 صباحا لمده ساعتين







ودي قاعه علي بابا











وده المسرح الفرعوني وعروض الخيل المتنوعه مع عرضض الصوت والضؤ طبعا







وده المسرح التاني اللي وسط البحيره واللي بيتعمل عليه العروض الشرقيه



ودي بقي اجمل نافوره بجد النافوره الراقصه ودي موجوده في soho square ودي اتكلفت تقريبا 7 مليون جنيه في تصميمها ودي بتشتغل كل ساعه لمده ربع ساعه بس لان تصميم البرنامج بتاعها عشان يطلع بالصوره دي صعب لانها بترقص علي انغام الموسيقي الشرقيه والغربيه وبجد روعه





يلا بينا بقي نتعشي اكله تمام علي الطراز البدوي
وده بيبقي مكان اغلب الاكل فيه بيبقي من الفنادق في باص بياخدكم من الفندق من الساعه 7 مساءا لهضبه عاليه في شرم الشيخ وبتقعدوا في خيام كل اللي عليك تختار المكان والخيمه اللي تعجبك وبس والشاي والعشا هيجي لحد عندك وطبعا ده بيبقي بوفيه مفتوح طبعا بيبقي في عروض بهلوانيه ورقصات شعبيه محترمه وبيكون ده بنظام بدوي جميل سعر الليله دي بيبقي من 120 ل 150 جنيه وشامله توصيله العربيه





يلا نعمل شوبنج ونتسوق في احلي مولات شرم السيخ واشهرها وهو الميركاتو وبيقع المول ده في منطقه هضبه ام السيد بالقرب من الف ليله وليله ومساحته 50 الف مربع ويضم اكثر من 450 محل ومطعم وكلها محلات وماركات عالميه









وطبعا ده المسجد بتاع الرئيس عارفينه طبعا اللي بيصلي العيد فيه دايما



دي بقي صوره لتمثال كاس افريقيا




يلا بقي نشوف اشهر المطاعم في شرم الشيخ
مطعم دنانير : موجود بين فندق موفينيك وفندق ماكدونالدز وده بيقدم كل شئ زي الماكولات البحريه واللحوم والبيتزا والفطائر والاطباق المصريه
[/color]


مطعمموجو : موجود في خليج نعمه امام فندق ليدو مباشره ويقع امام البحر ويملكه شخص اسمه كريم ياسين يمكنكم الجلوس بداخله والاستمتاع بديكوراته ولوحاته الفنيه التي تزينه او الجلوس في التراس المطل علي البحر وكل من يجلس هناك يشعر وكانه في ميامي الامريكيه
ويقدم هذا الفندق سلطه البحر بالليمون والشيكولاته الاسبانيه والعديد من الاطباق الغربيه من مختلف الدول وخاصه اوروبا والشرق الاوسط



مطعم بيكنج : وهو خاص بالماكولات الصينيه وموجود في خليج نعمه بالقرب من ماكدونالدز وهو مكون من طابقين



مطعم وكافيه ماشي: موجود في خليج نعمه وبالقرب من المطعم الصيني السابق وبالتحديد قرب نهايه شارع ملك البحرين ويقدم اكلات خفيفه ولذيذه جدا


مطعم اكتوبوس : من افضل المطاعم التي تقدم ال sea food ويوجد في خليج نعمه وبيقدم سلطات واجبان متنوعه بنفس جوده المطاعم في لندن

مطعم بيبلوس : وده مطعم لبناني وهو موجود جنب كافيتيريا هارد روك



مطعم مغربي داخل قريه الف ليله وليله: وده متخصص في الاكلات المغربيه فقط حتي ان ديكوراته مغربيه

مطعم جولي فيل بيكيري : وده مش مطعم بالظبط بس بيقدم المخبوزات والفطائر والكيك والخبز بجميع انواعه بالاضافه للقهوه والايس كريم يعني تقدر تقول ممكن تفطر فيه او تتعشي وجبه خفيفه هناك وهو موجود بالقرب من فندق موفينيك في قلب خليج نعمه

مطعم كان زمان : وده مطعم جميل جدا في خليج نعمه وهو علي الطراز البدوي وفي خدمه ديلفيري ممكن يوصل الاكل ليكم في اي مكان انتوا عايزينه

ايه الحلاوة دى انا كده بقى مش محتاج اروح شرم مانا عرفت اللى فيها خلاص هههههههههههه

انا بعشق المكان ده بجد ووحشنى اووووووووووووووووووووووووووووووووووى واكلى سنين عمرى قضيتها فى حنوب سيناء كلها تسلم ايدك ياسارة والله جاااااااااامده جدااا
وحشتينى